স্বাস্থ্যবৰ্ধক মাছ

আমিষ খাদ্যৰ ভিতৰত পৃথিৱীত অতিকৈ জনপ্ৰিয় তথা স্বাস্থ্যবৰ্ধক এবিধ আহাৰ হৈছে মাছ । কম চৰ্বি, হাই প্ৰটিন আৰু অ'মেগা-৩ ফেটি এচিডৰ ই এটা প্ৰধান উৎস । ইয়াৰ লগতে মাছত খাদ্যপ্ৰাণ, খনিজ লৱণ আৰু অন্য পোষক পদাৰ্থ পোৱা যায়,যি আমাৰ শৰীৰৰ বাবে অতি প্ৰয়োজনীয় । সেয়ে দৈনন্দিন ব্যস্ততাপূৰ্ণ জীৱনত শক্তিশালী হৈ থাকিবলৈ জানো আহক মাছৰ কেইটামান বিশেষ স্বাস্থ্যজনিত উপকাৰিতাৰ বিষয়ে.

(১) মাছত পোৱা অমেগা-৩ ফেটি এচিডে শৰীৰৰ হৃদয় আৰু ধমনী অংশ শক্তিশালী কৰি তোলে । ই ধমনীবিলাকত তেজ গোট মৰাত বাধা প্ৰদান কৰে ।
(২) মাছে শৰীৰত জমা হোৱা শৰ্কৰাজাতীয় পদাৰ্থ ভাঙি পেলায় । সেয়ে মাছৰ তেল খোৱাৰ লগতে নিয়মিত ৰুপত ব্যায়াম কৰিলে শৰীৰৰ বৰ্ধিত মেদ হ্ৰাস পায় ।
(৩) মাছ খালে চকুৰ দৃষ্টিশক্তি বাঢ়ে আৰু চকুৰ অন্য সমস্যাও দূৰ হয় । সপ্তাহত অন্ততঃ দুদিন মাছ খাব পাৰিলে শৰীৰত অমেগা-৩ ফেটি এচিডৰ মাত্ৰা বৃদ্ধি পায় । ইয়াৰ দ্বাৰা চকুৰ বিষ আঁতৰে আৰু মাংসপেশীবোৰ শক্তিশালী হয় ।
(৪) মাছ খালে শৰীৰৰ ছালত বৰ্ধিত বয়সৰ চাপ পলমকৈ পৰে আৰু সূৰ্য্যৰ প্ৰখৰ তাপৰ পৰা হোৱা ক্ষতিৰ পৰাও অব্যাহতি পোৱা যায় ।
(৫) মাছত উপলব্ধ অমেগা-৩ ফেটি এচিডে মস্তিষ্কৰ অৱসাদ আৰু দূঃচিন্তা দূৰ কৰে । ই মগজুৰ তীক্ষ্ণতা বৃদ্ধি কৰাৰ লগতে কম স্মৃতিশক্তিসম্পন্ন ব্যক্তিসকলৰ বাবে বিশেষ উপযোগী ।