লিভাৰ বেয়াহোৱা ১০ টা লক্ষণ || (10 Early symptoms of liver damage:)
এই ১০ লক্ষণ প্ৰকাশ পালে আপোনাৰ লিভাৰ পৰীক্ষা কৰাওক!
মানৱ দেহৰ মগজু, হৃদপিণ্ড, কিডনি আৰু লিভাৰ হল আটাইতকৈ গুৰুত্বপূৰ্ণ অংগ। এই লিভাৰ বা যকৃত আমাৰ পেটৰ
সোকাষে উপৰৰ ফালে থাকে। লিভাৰ হল মানুহৰ দেহৰ আটাইটকৈ দাঙৰ অংগ। ঘৰত ব্যৱহাৰ কৰা ফিলটাৰে আমি খোৱা দুষিত পানী যেনেদৰে পৰীস্কাৰ কৰি বিশুদ্ধ কৰে ঠিক তেনেদৰে আমাৰ লিভাৰটোৱেও শৰীৰত জমাহোৱা সকলোবোৰ আবৰ্জনা নিস্কাষণ কৰি আমাৰ দেহ তেজ পৰিস্কাৰ কৰি শৰীৰটোক সূস্থ কৰি ৰখাৰ গুৰুত্ব পুৰ্ণ ভূমিকা পালন কৰে। লগতে আমাৰ শৰীৰ দ্বাৰা সম্পাদন কৰা কিছুমান কাম সম্পুৰ্ণ ভাৱে লিভাৰৰ উপৰতে নিৰ্ভৰ কৰে। আঘাট বা কটা-চিঙাৰ ঘাঁ শুকোৱা শৰীৰত হৰমণৰ মাত্ৰা নিয়ন্ত্ৰন কৰা, খাদ্যত থকা ভিটামিন গ্ৰহন কৰা, শৰীৰৰ ওজন বৃদ্ধিকৰা বা কমোৱা আৰু মাংসপেক্ষী নিৰ্মাণ কৰা, কলেষ্টৰেল আৰু চুগাৰৰ ভাৰাসাম্য ৰক্ষা কৰি প্ৰয়োজনীয় ভিটামিন আৰু মিনাৰেল জমাকৰি ৰখা। ঔষধ, বিষাক্ত প্ৰদাৰ্থ আৰু অখাদ্যৰ প্ৰদুভাৱৰ পৰা আমাৰ শৰীৰক ৰক্ষা কৰা আদি প্ৰায় ৪০০ শত কৈও বেছি কাম পৰোক্ষ বা পতক্ষ ভাৱে আমাৰ লিভাৰে সম্পাদন কৰে। সেয়ে লিভাৰক আমাৰ দেহৰ অতি গুৰুত্বপুৰ্ণ অংগ বুলি কোৱা হয়। খোৱা-বোৱাত গুৰুত্ব প্ৰদান নকৰা আৰু বেছিকৈ মদ খোৱা এই দুই ধৰণৰ কামৰ বাবে আমাৰ লিভাৰত বহু বেছি প্ৰভাৱ পৰে। কিয়নো আমাৰ শৰীৰৰ কাৰ্যপ্ৰণালী সম্পুৰ্ণ ৰুপে লিভাৰৰ ওপৰতে নিৰ্ভৰশীল। সেয়েহে লিভাৰত হোৱা ক্ষুদ্ৰ-ক্ষুদ্ৰ সমস্যাৰ পৰাই আমাৰ শৰীৰত অতি যটিল সমস্যা আৰু বেমাৰৰ উৎপন্ন হব পাৰে। আমি ঘৰৰ পানী পৰিস্কাৰ বাবে ব্যৱহাৰ কৰা ফিল্টাৰ এসময়ত যেনেদৰে নিজেই লেটেৰা হৈ যায় ঠিক তেনেদৰে সময় বৃদ্ধি হোৱাৰ লগে লগে আমাৰ দেহৰ দূষিত আৱৰ্জনা চাফা কৰি কৰি আমাৰ লিভাৰটো লেতেৰা হ’ব পাৰে। আৰু লিভাৰৰ বিসংগতি হব পাৰে।
লিভাৰৰ বিসংগতিৰ লক্ষণ সমূহ সাধাৰণ হোৱাৰ বাবে সৰ্ব্বসাধাৰণতে মানুহে ইয়াক অৱহেলা কৰা দেখাযায়। সৰ্ব্বসাধাৰণতে বহুতে আকৌ বুজিয়ে নাপায় যে এই লক্ষণ সমূহৰ মূলতে লিভাৰৰ সমস্যা হৈছে। যেতিয়াই আমাৰ শৰীৰত কিবা নহয় কিবা বিশংগতি হয় আমাৰ শৰীৰে বিভিন্ন লক্ষণৰ জৰিয়তে ইয়াৰ সংকেতদিবলৈ চেষ্টা কৰে। এনেকুৱা বহুলক্ষণ আছে যাৰ পৰা আমি আমাৰ লিভাৰে ভালদৰে কাম কৰিছে নে নাই সহজতেই গম পাব পাৰু।
আহক আমি জানো লিভাৰ বেয়াহোৱা ১০ টা লক্ষণ || (10 Early symptoms of liver damage:)
১/মূখৰ দূগৰ্ন্ধ হোৱাঃ-
এনেকুৱা বহু বস্তু আছে যিবোৰ খালে মূখৰ দূগৰ্ন্ধ হয়। কিন্তু বহু পৰিস্থিতিত মূখ পৰা উলোৱা দূগৰ্ন্ধত লিভাৰৰ বিসংগতিৰ অন্যতম কাৰণ হ’ব পাৰে। আমাৰ শৰীৰৰ প্ৰতিটো অংগৰে প্ৰতিটোৰ লগত আভ্যন্তৰীণ সম্পৰ্ক থাকে। সেয়ে লিভাৰ বেয়া হোৱাৰ লগে লগে পেটৰ সমস্যাও দ্ৰুত গতিত বৃদ্ধি হবলৈ ধৰে। পেট বেয়া হোৱাৰ লগে লগে আমাৰ উশাহ-নিশাহত দূগৰ্ন্ধ আহে ই লিভাৰ বেয়া হোৱাৰ এক সাধাৰণ আৰু আৰম্ভনিৰ লক্ষণ হয়।
২/চকু, চাল আৰু প্ৰস্ৰাবৰ ৰং পৰিৱৰ্ত হোৱাঃ-
যেতিয়া আমাৰ চকু, চাল আৰু প্ৰস্ৰাবৰ ৰং হালধীয়া হ’বলৈ ধৰে তেনে অৱস্থাক জণ্ডিছ বা পাণ্ডু ৰোগৰ লক্ষণ বুলি ধৰা হয়। কিন্ত আপোনি জানে নে জণ্ডিছ এক লিভাৰ জনিত সমস্যা হয়। জণ্ডিছে শৰীৰত ব্লিৰুবিনৰ পৰিমান বৃদ্ধি কৰি দিয়ে। ব্লিৰুবিন আমাৰ শৰীৰত পোৱা একধৰণৰ হালধীয়া পদাৰ্থ। লিভাৰ বেয়াহোৱাৰ বাবে ব্লিৰুবিনৰন মাত্ৰা বৃদ্ধি হয় আৰু আমাৰ চকু আৰু চালত হালধীয়া ৰং উৎপন্ন কৰিবলৈ লয়। বৃদ্ধি হোৱা ব্লিৰুবিন কম কৰিবলৈ আমাৰ শৰীৰে মল আৰু মূত্ৰৰ দ্বাৰা বাহিৰ কৰিবলৈ চেষ্টা কৰে। যাৰ বাবে প্ৰস্ৰাবৰ ৰং হালধীয়া, কমলা আৰু মটিয়া ৰঙৰ দেখা যায়।
৩/উজন বৃদ্ধিঃ-
যেতিয়া আমাৰ শৰীৰত বিষাক্ত প্ৰদাৰ্থৰ মাত্ৰা বৃদ্ধি পায় তেতিয়া লিভাৰৰ ওপৰত অত্যাধিক হেচাঁ পৰিবলৈ লয়। আৰু লিভাৰত জমা হোৱা টস্কিন শৰীৰৰ ছৰ্বিকোষ সমূহত জমা হ’বলৈ ধৰে। যদি লিভাৰৰ দূৰ্ব্বলতাৰ বাবে শৰীত উজন আৰু ছৰ্বি বৃদ্ধি হ’বলৈ ধৰে তেতিয়া এনেদৰে বৃদ্ধি হোৱা উজন কম কৰাটো অত্যন্ত কঠিন হৈ পৰে। সেয়েহে যিসকল লোকে সকলো প্ৰয়াস কৰা পাছতো দীৰ্ঘদিন ধৰি মেদবহুলতা সমস্যাৰ পৰা পৰিত্ৰান পাবলৈ সক্ষম হোৱা নাই তেনে হলে এবাৰ লিভাৰৰ পৰীক্ষা কৰাই লোৱা ভাল হব।
৪/ গ্ৰছ, এচিডিটি, বদ হজনম স্তমাকৰ সমস্যাঃ-
সদায় পেট বেয়া হোৱা, সঘনাই গ্ৰছ, এচিডিটি হোৱা আৰু টেঙা ওগাৰ অহা, খাদ্য ভালদৰে হজম নোহোৱা, বমি বমি ভাব হোৱা আদি লিভাৰ বেয়া হোৱা প্ৰাৰম্ভিক লক্ষণ হ’ব পাৰে। যেতিয়া আমাৰ লিভাৰত বিষাক্ত দ্ৰব্যৰ মাত্ৰা বাঢ়ি যায় তেতিয়া অলপমান বাহিৰৰ খাদ্য খালেই আমাৰ পেটৰ গণ্ডগোল হ’বলৈ ধৰে। আৰু কেতিয়াবা কেতিয়াবা মূৰৰ বিষো হ’বলৈ ধৰে। লিভাৰৰ কাৰ্যক্ষমতা লেহেমীয়া হোৱাৰ বাবে আমাৰ শৰীৰৰ মেটাবলিজম লেহেমীয়া হ’বলৈ ধৰে। যাৰ বাবে আমাৰ পেটত খাদ্য হজম হোৱাত অসুবিধা হয়। যদি আপোনাৰ দৈনিক ভালদৰে পেট পৰিস্কাৰ নহয় বা পেটৰ সমস্যা সদায় অশান্তি ভোগ কৰি থাকে তেনে হলে আপোনি ভাবিব লাগিব যে এই সমস্যা লিভাৰৰ বাবেও হ’ব পাৰে। এনেকুৱা অৱস্থাত পেটৰ সমস্যাৰ বাবে লোৱা যিকোনো ঔষধেই কাম নকৰা হৈ যায়। কিয়নো ইয়াৰ মূখ্য কাৰণ লিভাৰেই হয়। যদি কোনো ব্যক্তিয়ে এনে সমস্যাত ভূগে তেনেহলে এবাৰ লিভাৰৰ পৰীক্ষা কৰাই ল’ব লাগে।
৫/ভৰি আৰু গাঁঠি ফুলি উঠাঃ-
যেতিয়া আমি লিভাৰত হোৱা সমস্যাৰ বিষয়ে গম নাপাও বা ইয়াৰ লক্ষণ সমূহ অৱহেলা কৰো তেতিয়া শৰীৰটোৱে ইয়াক নিজেই ঠিক কৰাৰ প্ৰয়াস কৰে। যেতিয়া লিভাৰে বিভিন্ন কামৰ লগতে নিজৰ বিসংগতি নিজেই ঠিক কৰিবলৈ আৰম্ভ কৰে তেতিয়া লিভাৰটোৰ কাৰ্যপ্ৰণালী লেহেমীয়া হ’বলৈ ধৰে। লেহেমীয়া হোৱাৰ লগে লগে ব্লাড প্ৰেছাৰ বৃদ্ধি হৈ যাবলৈ ধৰে। আৰু শৰীৰত থকা ফ্লুইড অথবা তৰল শৰীৰৰ নিম্ন অংগত জমা হ’বলৈ ধৰে। যাৰ বাবে ভৰি ফুলিবলৈ আৰম্ভ কৰে।এই অৱস্থাটোক ইডিমা বুলি কোৱা হয়। সৰ্ব্বসাধাৰণতে এই ধৰণৰ অৱস্থা অঁঠুৰ তলত বেছিকৈ হোৱা দেখা যায়। এনেধৰণৰ সমস্যাত বিষ নাথাকে।
৬/ভাগৰ আৰু দূৰ্বল অনুভৱ কৰাঃ-
যেতিয়া আমাৰ লিভাৰ বেয়া হ’বলৈ ধৰে তেতিয়া আৰম্ভনি দিনৰ পৰাই বেছি ভাগৰ আৰু বেছি এলাহ ভাৱ হ’বলৈ ধৰে। ব্যস্ততাপুৰ্ণ জীৱন, অত্যাধিক কাম-কাজৰ বোজা আদিৰ বাবে ভাগৰোৱা হোৱাটো সাধাৰণ কথা কিন্তু যদি এই সমস্যা একেৰাহে হ’বলৈ ধৰে আৰু কেতিয়াবা কেতিয়াবা শৰীৰ যদি দূৰ্বল অনুভৱ হয় তেতিয়া এই সমস্যা লিভাৰৰ বাবেও হ’ব পাৰে। লিভাৰত তক্সিনৰ মাত্ৰা বাঢ়ি যোৱাৰ ফলত লিভাৰৰ কাৰ্যক্ষমতা কমযোৰী হ’বলৈ ধৰে। যাৰ ফলত শৰীৰত থকা অন্যান্য অংগ সমূহে কষ্ট পাব লগা হয়। এনে পৰিস্থিতিত আমাৰ শৰীৰ সহজতে ভাগৰোৱা হৈ পৰে আৰু ইয়াৰ বাবে বেছিকৈ আৰাম কৰাৰ প্ৰয়োজন হৈ পৰে। যদি কোনো ব্যক্তিৰ সদায় অত্যাধিক ভাগৰোৱা সমস্যা দুই মাহত কৈ বেছি সময় ধৰি হৈ থাকে তেনে তেওঁ এবাৰ লিভাৰৰ পৰীক্ষা কৰাই লোৱা অতি প্ৰয়োজন।
৭/এলাৰ্জিঃ-
সৰ্ব্বসাধাৰণতে শৰীৰত হোৱা এলাৰ্জি বেক্টেৰিয়া বা ফাংগাচৰ কাৰণে হয়। কিন্ত বহুসময়ত চালত হোৱা ৰঙা দাগ, খৰ, সজুলি বা এলাৰ্জি লিভাৰ বেয়া হোৱা কাৰণেও হ’ব পাৰে। যেতিয়া লিভাৰত তক্সিন বা বিশাক্ত পদাৰ্থৰ মাত্ৰা বৃদ্ধি হয় তেতিয়া তাৰ প্ৰভাৱ আমাৰ চালতো পৰিব ধৰে। তেতিয়া আমাৰ চাল অত্যন্ত স্পৰ্শকাতৰ হৈ পৰে। আৰু বিভিন্ন থাইত ৰঙা দাগ হ’বলৈ ধৰে। লগতে অলপ অলপ খজুলিও হ’বলৈ ধৰে। সৰ্বসাধাৰণতে এনে ধৰণৰ এলাৰ্জি হাত আৰু ভৰিত হয়।
৮/ভোক কম লগাঃ-
এনেকুৱা বহু শাৰীৰিক সমস্যা আছে যত আমাৰ ভোক লগা বা খাদ্যৰ প্ৰতি অৰুচি হয়। লিভাৰ বেয়া হোৱাটো ইয়াৰ এক প্ৰধাণ কাৰণ। যেতিয়া আমাৰ লিভাৰে ভালদৰে কাম নকৰে তেতিয়া ইয়াৰ প্ৰভাৱ আমাৰ পৰিপাক ক্ৰিয়াত পৰে। খাদ্য ভালদৰে হজম নোহোৱাৰ কাৰণে লাহে লাহে ভোক কম হ’বলৈ ধৰে। বাৰে বাৰে চক্ৰৰ অহা, খাদ্য খোৱাৰ পিছত বমি বমি ভাৱ হোৱা লিভাৰ বেয়া হোৱাৰ লক্ষণ হ’ব পাৰে। সৰ্বসাধাৰনতে যোৰকৈ খোণ্ডা খোৱা বা আঘাটৰ বাবে চালত ৰঙা বা নীলা দাগ হয়। কিন্তু যদি কোনো কাৰণ নোহোৱাকৈ এই ধৰণৰ দাগ শৰীৰত দেখা দিয়ে বা সামান্য আঘাটতে শৰীৰৰ চালৰ তলত নীলা হৈ যায়। তেতিয়া ই লিভাৰ দূৰ্বল হোৱাৰ সংকেত হ’ব পাৰে। লিভাৰ বেয়া হোৱাৰ বাবে আমাৰ নাৰ্ভ কমযোৰী হয় আৰু চালৰ তলৰ সিৰা সমূহ আগতকৈ বেছি স্পষ্ট হৈ উলাই পৰা পৰিলক্ষিত হয়। আৰু চালৰ ওপৰত নীলা দাগ সহজতে দেখিবলৈ পোৱা যায়। এনেবোৰ লক্ষণ কেতিয়াও অৱহেলা কৰিব নালাগে।
৯/অত্যন্ত ঘাম হোৱাঃ-
যেনেদৰে যিকোনো ইঞ্জিন অবিৰাম ভাৱে চলাই থাকিলে গৰম হৈ যায় তেনেদৰে কমযোৰ লিভাৰো কম সময়তে ভাগৰোৱা হৈ পৰে। কমযোৰীৰ বাবে আমাৰ লিভাৰত তাপ বৃদ্ধি হয়। যি আমাৰ গোটেই শৰীৰত তাপমাত্ৰাও বঢ়াই দিয়ে। গৰম বৃদ্ধি হোৱাৰ বাবে ঘাম বৃদ্ধি হ’বলৈ ধৰে। যি সকল লোকৰ লিভাৰে ভালদৰে কাম নকৰে তেওঁলোকৰ শৰীৰত আন লোকত কৈ ঘামৰ পৰিমাণ বেছি হোৱা দেখা যায়।
১০/লিভাৰৰ আশে পাশে বিষ হোৱাঃ-
যদি আপোনাৰ লিভাৰৰ আশে পাশে বিষ অনুভৱ হৈ থাকে তেনেহলে ভাবিব লাগিব যে আপোনাৰ লিভাৰ অসুস্থ হৈছে। গৱেষণাৰ দ্বাৰা গম পোৱা গৈছে যে আমাৰ লিভাৰত ৫০ ত কৈও অধিক ভিন্ন ভিন্ন বেমাৰ হ’ব পাৰে। কিছুমান বেমাৰ শিশু অৱস্থাৰ পৰাই হ’ব পাৰে আৰু কিছুমান খাদ্য অভ্যাস আৰু অত্যাধিক মদ্য প্ৰাণৰ বাবে হ’ব পাৰে। যদি আমাৰ লিভাৰে ভালদৰে কাম নকৰে তেনেহলে তাৰ বাবে লিভাৰৰ আশে পাশে থাইখিনিত মৃদু বিষ অনুভৱ হ’ব পাৰে। দীৰ্ঘ সময় ধৰি যদি লিভাৰৰ লক্ষণ সমূহ মন কৰা নহয় বা অৱহেলা কৰা হয় তেতিয়া লিভাৰটো ফুলি উঠিবলৈ ধৰে। বা লিভাৰৰ যটিলতা আহিব পাৰে। গতিকে এই লক্ষণ সমূহ যদি প্ৰকাশ পায় আপোনি গম পাব লাগিব যে আপোনাৰ লিভাৰটো বেয়া হৈছে।
লিভাৰ বেয়াহোৱা ১০ টা লক্ষণ || (10 Early symptoms of liver damage:)
ভিডিঅটো চাবৰ বাবে তলৰ লিংকটোট ক্লিক কৰক--
ডা.হৰিকান্ত দাস।
ফোন নং- 9954340102
Comments
Post a Comment